اتىراۋدا العاش رەت 20 گيد ارنايى سەرتيفيكاتقا يە بولدى. ولار دۇنيەجۇزىلىك تۋريستىك گيدتەر قاۋىمداستىقتارى فەدەراتسياسىنىڭ (WFTGA) ادىستەمەسى سايكەس وقۋ كۋرسىنان ءوتتى.
اتىراۋ وبلىسى اكىمىنىڭ ءباسپاسوز قىزمەتىنەن ءمالىم ەتكەندەي, كۋرسقا 24 ادام قاتىسقان. تەوريالىق ءبىلىم جەتىلدىرىپ, قورىتىندى ەمتيحاننان سۇرىنبەي وتكەن 20 ادام رەسمي تۇردە گيد-ەكسكۋرسوۆود اتاندى.
جاڭا سەرتيفيكات يەگەرلەرىنىڭ ءبىرى – گۇلجان حيتۋ. بۇرىن پسيحولوگ بولىپ جۇمىس ىستەگەن. «گيد – قالاعا كەلگەن تۋريستەرگە نەمەسە جەرگىلىكتى تۇرعىندارعا تاريحي-مادەني نىسانداردى تانىستىرىپ قانا قويماي, ەكسكۋرسيا بارىسىندا ولاردىڭ قاۋىپسىزدىگىن قامتاماسىز ەتەتىن مامان. مەن بۇل كۋرستان كوپتەگەن جاڭا اقپارات الىپ, گيد بولۋدىڭ بارلىق قىر-سىرىن مەڭگەردىم», دەيدى گۇلجان حيتۋ.
ونىڭ پىكىرىنشە, گيدتىڭ باستى مىندەتى – تۋريستەرمەن تەز ءتىل تابىسىپ, دۇرىس باعىت بەرۋ.
«الدىمەن ادام پسيحولوگياسىن ءتۇسىنۋ قاجەت. بۇل – تۋريستەرمەن وڭاي بايلانىس ورناتىپ, اسەرلى ەكسكۋرسيا ۇيىمداستىرۋعا سەپ بولادى», دەيدى گۇلجان حيتۋ.